Os nad ydych yn dod o wlad yn yr UE na'r Ardal Economaidd Ewropeaidd neu'r Swistir, bydd angen i chi gofrestru at ddibenion preswylio'n bersonol a chofrestru ar-lein yn y Brifysgol:

• Dewch â'ch pasbort a'ch teitheb
• Dewch â'ch llythyr hawl i breswylio i gasglu'ch Hawlen Breswyl Fiometrig
• Os ydym wedi gofyn am brawf o'ch cymwysterau derbyn, dewch â'ch tystysgrifau, er enghraifft, tystysgrif gradd baglor wreiddiol
• Os mai eich cyflogwr, eich llysgenhadaeth neu ymddiriedolaeth sy'n talu'ch ffioedd dysgu, dewch â llythyr gan eich noddwr
• Os oes angen, trefnwch apwyntiad i gofrestru gyda'r heddlu

Bydd angen i chi fewngofnodi i'r fewnrwyd a chofrestru ar-lein drwy:

• Cytuno i fod yn fyfyriwr ym Mhrifysgol Abertawe ac i ufuddhau i'r rheoliadau yn y canllaw academaidd ac i'r datganiad diogelu data
• Gwirio a diweddaru'ch cofnod myfyriwr
• Cadarnhau'ch dewis modiwlau
• Os bydd angen i chi dalu ffi, gofynnir i chi dalu drwy gerdyn neu greu debyd uniongyrchol fel rhan o'r broses gofrestru.
• Ar ddiwedd y broses gofrestru ar-lein, byddwch yn derbyn neges yn cadarnhau eich bod wedi cofrestru'n llwyddiannus.

Os nad ydych yn derbyn neges i ddweud eich bod wedi cofrestru'n llwyddiannus neu, os nad ydych yn gallu cofrestru ar-lein am unrhyw reswm, cysylltwch â ni a bydd aelod o'r staff yn eich helpu.

Canllaw i dalu eich ffioedd ar gyfer:

Myfyrwyr israddedig y DU a'r UE

Myfyrwyr rhyngwladol o du allan i'r UE (Saesneg yn unig)

p>Gallwch gasglu'ch cerdyn adnabod myfyriwr newydd yn unrhyw un o'r lleoliadau isod. Rhaid eich bod wedi cofrestru a rhaid i chi ddod â phrawf adnabod gyda chi, er enghraifft, pasbort, tocyn bws, trwydded yrru, cerdyn adnabod y DU neu ddull adnabod arall â llun arno.

Rhowch wybod i'ch goruchwyliwr eich bod wedi cofrestru

Darganfyddwch beth sy'n digwydd: Cyrraedd a Chroeso