Wrth gyflwyno dy gais am lety, byddi di'n derbyn e-bost cadarnhau sy'n nodi'r dewisiadau rwyt ti wedi'u cyflwyno. Gelli di olygu dy ddewisiadau yn dy gais heb effeithio ar ddyddiad cyflwyno dy gais gwreiddiol.
Mae dy gais am lety'n cael ei brosesu mewn trefn, yn unol â'r canlynol:
Rydym yn gwneud ein gorau i gynnig dy hoff ddewis am ystafell wrth ddyrannu lle i ti mewn llety. Os na fydd lle yn dy ddewis llety cyntaf, byddwn yn ystyried dy holl ddewisiadau eraill yn eu trefn nes i ni ddod o hyd i ystafell i ti. Gan fod y preswylfeydd yn amrywio o ran nifer y myfyrwyr y gallan nhw eu cynnwys, ni allwn warantu dy brif ddewisiadau.
Ar ôl cael cynnig o ystafell, bydd gennyt ti 3 diwrnod i dderbyn y cynnig a thalu £100 o Flaendal Cadw Lle i sicrhau dy ystafell.
Rydym yn dyrannu ar sail dyddiad cyflwyno’r cais ac argaeledd ystafelloedd yn unol â'n Polisi Dyrannu.
Bydd ceisiadau i fyfyrwyr sy'n dechrau ar gyrsiau ym mis Ionawr a Mawrth yn cael eu hadolygu o fis Medi a mis Ionawr yn eu trefn. Dylet adael 28 niwrnod cyn i'th gwrs ddechrau i gael dy gynnig llety.
Efallai bydd rhai myfyrwyr yn cael cynigion cyn rai eraill, ond nid yw hyn yn golygu nad wyt ti wedi cael llety. Efallai bydd yn rhaid i ni lenwi fflat neu ardal neu aros i gynigion a ddyrannwyd eisoes ddod i ben cyn anfon cynigion pellach.
